mandag 28. januar 2013

betre seint enn aldri..!

Jolebord rett over nyåret, det kan faktisk funke fin-fint! 19. januar tromma Sydama og Tøydokka inn styret til kalas. Tidvis likna det ein kveldsopen familiebarnehage, men i takt med at klokka tikka mot god-natt-tid-for-småfolk, byrja det å likne eit lystig lag rundt eit bugnande bord! Maten tør me påstå at var god (det vil seie, Tøydokka sine smakslaukar var, kjedeleg nok, delvis i streik - men ho åt like mykje (kan hende meir) enn om dei hadde vore i ordinær teneste. Slik sett kan ho strengt tatt ikkje gå god for noko, men det minka då i alle fall bra i bollar og fat. Salat vart det nok av, men det sannsynlegvis heller av total mangel på berekning...). Og er maten god, konkluderar me med at selskapet er vellukka!

Ei stor takk til eit særs velfungerande styre, stuvende fullt av styremedlem som ofrar tid, krefter og ein laurdagskveld i januar på Om att!

Ingen kommentarer:

Legg inn en kommentar