house of Rym til Straumebui!

- og saka er den at hadde det ikkje vore for at de har så godt som rent oss ned der oppe i høgda etter at Straumebui på ny opna dørene, så hadde me aldri fått kloa i desse herleghetane! Difor rettar me med dette ein stor, varm TAKK til alle Om att-kundar, og håpar det komande hyllefyllet blir tatt imot med like store stjerner i augene som det kremmarane fekk fyrste gong dei oppdaga House of Rym!

snaaart helgeope att!

- og Tøydokka gjer seg klar til å innta Straumebui på ny! Laurdag sit ho oppe i høgda, medan Thorhild stiller opp som kremmar på sundag. Me gler oss!

Tøydokka har til alt overmål prøva seg som skiltmakar i forkant av ei ny handelshelg - dette med eit noko blanda resultat... Trøysta er at det er av det midlertidige slaget. I mangel på svartmåling måtte ho nemleg ty til spraylakk, og det viste seg overraskande kjapt at graffiti ikkje er noko Tøydokka bør konvertere til i næraste framtid...

Eit form for blikkfang er det i alle fall, så no bør ingen vere i tvil om at Straumebui er ope når det er nettopp det ho er!

gratulerer!

...og om litt er kaffi'n klar

Kva er vel ikkje betre for ein liten arbeidskar eller -kvende enn ein kaffikopp, Vest-Telemark Blad og to blingsar på morgokvisten?

Tøydokka har fått eit bittelite innfall, og tatt ein lynkjapp date med både bandsag og symaskin. Resultatet vart som det alltid blir - litt på halv åtte..! (det vart grovbrød, for å seie det slik - overstadig bruk av pussepapir er oppskrytt)

I alle tilfelle ligg det eit par ferdigsmurte nystepakker på disken i morgo.

gåvekort