Ein makalaus dag går mot slutten. Øyfjell Grand Pix er over for denne gong, men me lever lett på gode minner fram til neste løp går av stabelen! All ære til kreative, nevenyttige og uredde olabilsjåførar, dyktige dugnadsarbeidarar og eit imponerande stort publikum for eit herleg arrangement!
Det kribla nok litt i Colchester'n etter å seta utfor i lag med eit fantastisk koppel olabilar, men han måtte fint nøye seg med å stå og sjå på sirkuset. Temmeleg så stas var det nok likevel, for Sydama har sett ny standard for campingvogninventar dei siste dagane!
Til tysdag er det verd å nevne at de finn oss i meir sentrale strok av Øyfjell, nærare bestemt i tunet til Sydama sitt opphav - rett over vegen for barnehagen. Der sit me nok og knaskar graslauk, som hittil er det einaste Tøydokka kan ta med frå eigen kjøkenhage, eller eventuelt eit kjeks eller to. Du skal få smake du òg, om du vil!
Ingen kommentarer:
Legg inn en kommentar